قضية راى عام

[center]بسم الله الرحمن الرحيم
الموضوع هيكون عبارة عن

كل فترة هنطرح قضية تكون مثيرة للجدل وبتهم الراى العام كله

طبعا حاليا العالم كله ملوش سيرة الا غزة والقضية الفلسطينية

العالم كله بيتكلم ومؤتمرات هنا وهناك والقمة العربية اتعملت ومش عارف ايه اتلغى

ومفيش حاجة جديدة والوضع على ماهو عليه

فى ظل التخاذل العربى الواضح والملحوظ من اغلبيتهم

معدش فى رحمة ولا شفقة الشهداء وصل عددهم 485 شهيد والجرحى اكتر من 2300 جريح طب والناس ناوية تتحرك امى

شفنا مظاهرات فى كل مكان اخرها كان اسطنبول فى تركيا واللى كانت مظاهرة حاشدة باالالاف من دولة ليست عربية والعرب واقفين يتفرجوا وبس واللى يقول لانملك سوى الدعاء واللى يقول المعبر لازم يتفتح واللى يقول الرئيس المصرى متضامن مع اسرائيل والكل بيتكلم ومفيش حاجة جديدة

تفتكروا العرب ممكن يتحركوا امتى خصوصا بعد الفيتو اللى اتاخد من جانب واشنطن وعجز العالم كله عن منع اسرائيل من مواصلة الغارات والقصف على غزة

اعداد الشهداء كل يوم بيزيد اكتر واكتر ومفيش حد عايز يعمل حاجة بجد كلهم نايمين حتى المظاهرات اللى بتتعمل والاصوات اللى ممبتسكتش مش قادرة توقف المجازر الاسرائيلية بالعكس تماما دول دلوقتى ابتدوا يعملوا هجوم برى كمان يعنى مش مكفيهم القصف الجوى لا برى كمان والمقاومة بتحاول بس تفتكروا الة الحرب اللى بتستخدمها المقاومة فى فلسطين هتكون زى الة الحرب الاسرائيلية والقصف الهمجى من جانب اسرائيل

تفتكروا ايه الحل ؟؟؟؟؟؟؟؟

غير الدعاء اللى كل الناس بتتكلم عليه كلنا بندعى وكلنا اما بنشوف الشهداء والجرحى اللى معظمهم من الاطفال بنبكى لكن لحد امتى ؟

هنفضل نبكى لحد امتى لازم يكون فى حل لكن فين الحل ؟؟؟؟؟؟؟؟؟؟

تفتكروا الوضع هيفضل كدة لغاية امتى؟؟؟؟؟؟؟؟؟؟

وتفتكروا ان فى حاجة فعلا ممكن تتغير خلال الفترة القادمة ويكون فى حل جذرى للمجاذر الاسرائيلية فى فلسطين؟؟؟؟؟؟؟

كمان ايه رايكم فى موقف العرب الغير طبيعى خصوصا من جانب الرئيس المصرى حسنى مبارك اللى رافض يفتح المعبر لاى ظرف من الظروف تفتكروا ايه اللى بايد اى عربى دلوقتى ممكن يعنله والمعابر كلها مقفولة والفلسطينييين ليس امامهم خيار سوى الاستشهاااااد؟؟؟؟؟؟

شكرا يا برنسيس عالتوبيك

والفكرة كتير حلوة